ವಸುಂಧರೆಗೆ ...

ನಿನ್ನ ನಿಲುವಿನಂತಿದೆಯೆ ಇಂದು 
ನಿನ್ನ ಒಲವಿನ್ನು ಉಳಿದಿದೆಯೇ ಇಂದು
ನೀ ಮಾತಾಡು ಭೂಮಿ
ಯಾಕೀಗೆ ಕಳಹೀನಳಾಗಿರುವೆ
ಅಂಜಿಕೆಯೆ
ಕಳಕಳಿಯೆ
ವಾತ್ಸಲ್ಯವೆ
ನಿತ್ಯ ನಿರಂತರ ಕಾಲ ನಿಯಮದಿ
ಮೆರೆದೆ ನಿನ್ನ ಮಾತ್ರು ಗುಣ
ನಿನ್ನೊಡಲ ಗರ್ಭದಲಿ 
ಜನಿಸಿದವು ಕೋಟಿ ಜೀವ
ತುಂಬಿದೆ ಅಸಂಖ್ಯಾತ ಆಶಯ
ಮುರಿದರು ನಿನ್ನ ಬೆನ್ನೆಲುಬು
ಕುಡಿದರು ನಿನ್ನ ನೆತ್ತರು
ಕಡಿದರು ಹಸಿರಿನ ಉಸಿರು 
ಜೀವ ಜೀವಗಳೊಡನೆ ಹೋರಾಟ
ನಿನಗಾಗಿ ಕಾದಾಟ

ಬಳಸಿದರು ನಿನ್ನ ವಿಶಿಶ್ಟ ಸ್ರಶ್ಟಿ

ಆದರವರಿಗಿಲ್ಲ ತ್ರಪ್ತಿ

ನಿನ್ನೊಡಲ ಭೂಗರ್ಭ ಶಾಸ್ತ್ರ ಮುಗಿಸಿ

ಹೊರಟರಿನ್ನೊಂದು ಲೋಕಕೆ ಚಲಿಸಿ

ದೂರದ ಚಂದಿರ ಮಾಮನಾದ

ಏನು ನೀಡದೆ ಬಚಾವಾದ

ಸಂಬಂಧವಿಲ್ಲದ ಸಂಬಂಧಿ 

ಈ ಅಂಗಾರಕ ಮಾಡ್ತಿಲ್ಲ ಫಿರ್ಯಾಧಿ   

ಮೊನ್ನೆ ಬಂದಿಳಿದ ನಿನ್ನ ಸಿಬ್ಬಂದಿ

ಬಳಿದು ಬೆಂಡಾಗಿಸುವರೆ ನನ್ನ ನಿಧಿ ?

                      * ಹರ್ಷಿತ್ ಹೆಗ್ಡೆ 

:)
ರಂಗ್ ದೇ ಬಸಂತಿ

ಬಾ ನನ್ ವಸಂತಿ
ಹೋಪ ಇಬ್ರು ಸಂತಿ ...

ಹೊಂಯ್ಗಿ ಆಣ್ಬ್ ಎದ್ದಿತ್
ಗುಡ್ಡ ಕರು ಹೆಕ್ಕಿತ್
ಬಪ್ಕಾತಿಲ್ಲಾ ಇವತ್ತು
ಅನ್ಬ್ಯಾಡಾ ಯಾವತ್ತು

ಬಾ ನನ್ ವಸಂತಿ
ಹೋಪ ಇಬ್ರು ಸಂತಿ ...

ಅಜ್ಜಯ್ಯಂಗ್ ಉಸಾರಿಲ್ಲಾ
ಚಾ ಹೊಡಿ ತಪ್ಪರಿಲ್ಲಾ
ಗಂಟಿ ಕರಳ್ ಬಿಡ್ವರಿಲ್ಲಾ
ಇದ್ದೂರಂಗ್ ಮೇವಿಲ್ಲಾ
ನನ್ ಗೋಳ್ ಕೇಂಬರಿಲ್ಲಾ
ಅಂದ್ರ್ ಆತಿಲ್ಲಾ

ಬಾ ನನ್ ವಸಂತಿ
ಹೋಪ ಇಬ್ರು ಸಂತಿ ...

ಛಾಟಿ ಮೀನ್ ಕುಂಬಟಿ
ಬಸ್ಲಿ ದಡಿ ಚೀಂಕಟಿ
ಮರ್ಸನ್ ಗೆಂಡಿ ವನ್ಕಟಿ
ಕಿಚ್ಚ್ ಹಿಡಿಲಿ ನಿಮ್ ಸಂತಿ
ಅನ್ಬ್ಯಾಡ ವಸಂತಿ
ಬಾ ನನ್ ಸಂಗ್ತಿ
ಅದೇ ದೊಡ್ಡ್ ಸಂಗ್ತಿ 
ಕುಂದಾಪ್ರ ಸಂತಿ 
ಶನಿವಾರ ಅಂತಿ 

:)
ಸಹಿಸಲಾರದ ಮನವೆ
ಪರಿತಪಿಸುವೆ ಏತಕೆ

ನನ್ನೊಲವಿನ ಸಂಕ್ರಾಂತಿ 
ಮುಗಿಯಿತಲ್ಲವೆ ಅಮವಾಸ್ಯೆ 
ಪ್ರಕ್ಷುಬ್ದ ಆಷಾಢ ಮೌನ
ಮುರಿಯುವುದೆ ಶ್ರಾವಣ ಸಂಜೆಯಲಿ
ದಿನಕರನ ಮುಸುಕು
ದಿನದ ಬದುಕು
ಸ್ವತಂತ್ರ ದಿನ ದಿನಕು 
ಅತಂತ್ರ ಕ್ಷಣ ಕ್ಷಣಕು
ಆಹ್ವಾನದ ಮೆಲುಕು 
ಹಬ್ಬದಾ ನಿರೀಕ್ಷೆಯಲಿ
ಮತ್ತೆ ಬರಲಿದೆಯೆ ದೀಪಾವಳಿ... ?

:)
ಕಗ್ಗತ್ತಲಲಿ ಮುಳುಗಿಹ ಭಾವನೆಗಳೆ ...
ನೀ ಇಂಚಿಂಚು ಮರುಳನಾಗಿಸಿದೆ ಅಂದು ನನ್ನ ...
ಕಾರ್ಮೊಡ ನಡುವಿನಲೊಂದು ಮಿಂಚು .....
ಕಪಟ ಕವಾಟದಲೊಂದು ಸಂಚು...,

ಕನವರಿಕೆಯ ಕನಸಿನಲು ಬಾರದ ಬವಳಿಕೆ...
ಹರಿದ ಮನಸಿನಲೊಂದು ಬಿಕ್ಕಳಿಕೆ...,
ಇಂದು ನಿನ್ನೆಯದಶ್ಟೆ ಹಳತು...
ಪರಿಕಲ್ಪನೆ ಮಾಡದೆಂದು ಒಳಿತು ...,

ಅರಿವು ಇರುವಿನ ನಡುವೆ ಮಿಳಿತ...
ಏರದಿರಲಿ ನಾಡಿ ಮಿಡಿತ...
ನೆನಪಿನಾಳದ ಕೊಲ್ಮಿಂಚು...
ಕೊರೆಯುತಿದೆ ಇಂಚಿಂಚು .